யாழ். சமரில் 485 படையினர் பலி- 1,250 பேர் காயம்.

யாழ். தென்மராட்சி முகமாலைப் பகுதியிலிருந்து சிறிலங்காப் படையினர் மேற்கொண்ட வலிந்த தாக்குதலை முறியடித்து விடுதலைப் புலிகள் நடத்திய தாக்குதல்களில் இதுவரை 485 சிறிலங்காப் படையினர் கொல்லப்பட்டுள்ளனர். களமுனையிலிருந்து கிடைக்கும் தகவல்கள் இதனைத் தெரிவிக்கின்றன. 485 படையினர் கொல்லப்பட்டும் 1,250 படையினர் காயமடைந்தும் களமுனையிலிருந்து அகற்றப்பட்டுள்ளனர். இந்த தாக்குதல்களில் 88 போராளிகள் வீரச்சாவைத் தழுவியுள்ளனர். கடந்த வெள்ளிக்கிழமை (11.08.06) படையினர் தமது வலிந்த தாக்குதலை பெருமெடுப்பில் மேற்கொண்டனர். இந்த வலிந்த தாக்குதல்களில் சிறிலங்காப் படையினரின் வலிந்த தாக்குதல் டிவிசன்களான 53 ஆம் டிவிசன் கொமாண்டோக்களும் 55 ஆம் டிவிசன் தாக்குதல் படையணிகளும் பயன்படுத்தப்பட்டன. விடுதலைப் புலிகளின் முறியடிப்புத் தாக்குதல்களில் இந்த டிவிசன்கள் கடும் சேதங்களை சந்தித்தன. வலிந்த தாக்குதல் நடவடிக்கையில் ஈடுபடுத்தப்பட்டு கடும் சேதங்களை சந்தித்த இந்த டிவிசன் படையணிகள் களமுனையிலிருந்து பின் நகர்த்தப்பட்டன. முன்னரங்கில் ஏனைய படைப்பிரிவுகளின் பட்டாலியன்கள் நிறுத்தப்பட்டுள்ளன. ஏ - 09 சாலை வழியே நேற்று வெள்ளிக்கிழமை முன்னகர்வை படையினர் மேற்கொண்ட போது விடுதலைப் புலிகளின் தாக்குதல்களில் கடும் சேதங்களை சந்தித்து தமது நிலைகளுக்குப் பின்வாங்கினர். இந்த தாக்குதலில் புதிததாக கஜபா றெஜிமன்ட் படையணியை சிறிலங்காப் படை இறக்கியது. இந்த அணி நேற்றைய சமரில் கடும் இழப்புகளைச் சந்தித்தது. கடந்த வெள்ளிமுதல் இதுவரையான வலிந்த தாக்குதல்களில் கடும் சேதங்களை சந்தித்துள்ள 53 ஆம் 55 ஆம் டிவிசன்கள்தான் சிறிலங்காப் படையின் களமுனையில் ஈடுபடுத்தப்பட்ட வலிந்த தாக்குதல் படையணிகளாகும். நன்றி<புதினம்.

தவறென்றால் அந்ததவறை தொடர்ந்து செய்வோம்: கருணாநிதி

முல்லைத்தீவு படுகொலையைக் கண்டிக்கும் தமிழ்நாடு சட்டப்பேரவைத் தீர்மானம் தவறு என்றால் தமிழன் கொல்லப்படுவதை இன்னொரு தமிழன் கண்டிப்பது தவறு என்றால் அந்த தவறை தமிழன் தொடர்ந்து செய்வான் என்று தமிழ்நாடு முதல்வர் கருணாநிதி தெரிவித்துள்ளார். தமிழக சட்டமன்றத்தில் இன்று சனிக்கிழமை கேள்வி நேரம் முடிந்ததும் ம.தி.மு.க. சட்டமன்ற கட்சி தலைவர் கண்ணப்பன் ஒரு பிரச்சனையை எழுப்பினார். அப்போது அவர் கூறியதாவது: கடந்த 14 ஆம் திகதி இலங்கை இராணுவம் குண்டுவீசி தாக்குதல் நடத்தியது குறித்து இரங்கல் தீர்மானம் 16 ஆம் திகதி நிறைவேற்றப்பட்டது. இந்த தீர்மானம் குறித்து பத்திரிகையில் ஒரு செய்தி வந்துள்ளது. யூகத்தின் அடிப்படையிலும், திரித்து கூறப்பட்ட செய்தியின் அடிப்படை யிலும் இந்த தீர்மானம் நிறைவேற்றப் பட்டதாக விஷமத்தனமாக இலங்கை துணை தூதரக அதிகாரி ஒரு செய்தி வெளியிட்டுள்ளார். அமெரிக்க அதிபர் புஷ்ஷின் சிறப்பு தூதர் இலங்கைக்கு சென்று அந்நாட்டின் அதிபரை 2 மணி நேரம் சந்தித்து பேசியிருக்கிறார். பாகிஸ்தான், சீனா போன்ற நாடுகள் ஏராளமான ஆயுதங்களை இலங்கை அரசுக்கு வழங்கியிருப்பதாக செய்திகள் வந்துள்ளன. பாகிஸ்தானின் உளவு நிறுவனமான ஐ.எஸ்.ஐ. இலங்கையிலேயே தங்கி, அதற்கு உதவுவதாகவும் கூறப்படுகிறது. திருகோணமலையை இந்துமாக் கடலின் வழியாக்கி, அதில் காலூன்ற முன்பு அமெரிக்க முயற்சி செய்த போது, அப்போதைய பிரதமர் இந்திரா காந்தி கடும் எச்சரிக்கை செய்ததால் அமெரிக்காவின் அந்த முயற்சி முறியடிக்கப்பட்டது. ஆனால் இப்போது மீண்டும் அங்கு காலூன்ற அமெரிக்கா தொடங்கியுள்ளது. இந்தியாவின் பூகோள நலன்களை பாதுகாக்கும் நடவடிக்கையாக 1983 ஆம் ஆண்டு இலங்கையில் இனக்கலவரம் நடந்த போது வெளியுறவுத்துறை அமைச்சராக இருந்த நரசிம்மராவையும், செயலாளராக இருந்த ஜி. பார்த்தசாரதியையும் இலங்கைக்கு அனுப்பி இந்திரா காந்தி எச்சரிக்கை செய்தார். அதனால் இனக்கலவரம் முடிவுக்கு வந்தது. ஆனால் இப்போது மத்திய அரசு இது போன்ற கண்டிப்பை இலங்கை அரசிடம் காட்டவில்லை என்பது வேதனையாக உள்ளது. மாறாக இலங்கைக்கு இராணுவ உதவி மற்றும் ரேடார் உதவி வழங்குவதாக செய்திகள் தெரிவிக்கின்றன. இலங்கையில் தமிழர்களை கூண்டோடு ஒழிக்க அந்நாட்டு அரசு முயற்சி மேற்கொண்டுள்ளது. அதற்கு இந்தியா ஒருபோதும் உதவி செய்யக்கூடாது. திருகோணமலையில் தமிழர்களுக்கு உணவுப் பொருட்கள் தட்டுப்பாட்டைஏற்படுத்தி அவர்களுக்கு ஆதரவற்ற சூழ்நிலை உருவாக்கப் பட்டுள்ளது. எனவே அவர்களுக்கு உயிர்காக்கும் மருந்து பொருட்கள் மற்றும் உணவு பொருட்களை அனுப்பி பன்னாட்டு சேவை நிறுவனங்கள் மூலம் தமிழ் மக்களுக்கு விநியோகம் செய்ய மத்திய அரசு மூலம் நடவடிக்கை எடுக்க வேண்டும் என்பதை முதல்வரின் கவனத்திற்கு கொண்டு வருகிறேன் என்றார் கண்ணப்பன். அதற்கு பதிலளித்து முதலமைச்சர் கருணாநிதி கூறியதாவது: ம.தி.மு.க. சட்டமன்ற கட்சித் தலைவர் கண்ணப்பன் எழுப்பிய பிரச்சனை மிக முக்கியமான பிரச்சனை. இது போன்ற பிரச்சனைகளில் எந்த அளவுகோளை கொண்டு நாம் தீர்மானிப்பது, விமர்சிப்பது என்பதற்கு ஒரு நிலை உள்ளது. பொதுவாக இலங்கை பிரச்சனை, குறிப்பாக தமிழர் பிரச்சனை, வெகு சிறப்பாக ஈழத்தமிழர் பிரச்சனையை அணுகுவதற்கு 2 கால கட்டம் உள்ளது. ஒன்று ராஜீவ் காந்திக்கு முன்பு, மற்றொன்று அதற்கு பின்பு. 1989 ஆம் ஆண்டு நடந்த சட்டமன்ற தேர்தலில் தி.மு.க. வெற்றி பெற்று நான் முதலமைச்சராக பொறுப்பேற்றதும் மரியாதை நிமித்தம் அப்போதைய பிரதமர் ராஜீவ் காந்தியை சந்தித்து பேச டெல்லி சென்றேன். அப்போது என்னுடன் முரசொலி மாறனும் வந்திருந்தார். ராஜீவ் காந்தியை சந்தித்து 5 நிமிடம் பேசி முடித்து விட்டு சென்னை திரும்ப மாலையிலேயே விமான டிக்கெட் தயாராக இருந்தது. ஆனால் மரியாதை நிமித்தம் பேசிய பிறகு இலங்கை பிரச்சனை பற்றி ராஜீவ் என்னுடன் பேசினார். நீங்கள் முன்னின்று இந்த பிரச்சனையை தீர்த்து வையுங்கள் என்று அப்போது அவர் என்னிடம் வேண்டுகோள் விடுத்தார். அப்போது வைகோவும் எங்களுடன் (தி.மு.கவில்) இருந்தார். மாறனை அழைத்து கொண்டோ, வைகோவை அழைத்து கொண்டோ அல்லது இருவரையும் சேர்த்து அழைத்து கொண்டோ இலங்கைக்கு சென்று அங்கிருந்து வவுனியா சென்று பிரபாகரனை சந்தித்து பேசி இதற்கு தீர்வுகாண வேண்டும் என்று ராஜீவ் என்னிடம் சொன்னார். அதற்கு வேண்டிய விமானம் உள்ளிட்ட அனைத்து ஏற்பாடுகளையும் செய்து தருவதாக அவர் தெரிவித்தார். நீங்கள் உடனடியாக சென்னைக்கு சென்று எந்த திகதியில் இலங்கைக்கு செல்கிறீர்கள் என்று பதில் அனுப்பும்படியும் பணித்தார். மறுநாள் காலை டெல்லியில் வெளியுறவுத்துறை செயலாளராக இருந்த நட்வர்சிங்கை அனுப்பி என்னிடம் பேசச் சொன்னார். நீண்டநேரம் நட்வர்சிங் என்னிடம் இலங்கை பிரச்சனை குறித்து விவாதித்து அந்த விவரங்களை பிரதமரிடம் எடுத்து கூறியுள்ளார். பகல் 2.30 மணிக்கு மீண்டும் ராஜீவ் காந்தி என்னை அழைத்து நீங்கள் பேசிய விவரங்களை அறிந்து கொண்டேன். முன்பு கேட்டு கொண்டபடி நீங்கள் இலங்கைக்கு செல்ல ஏற்பாடு செய்யுங்கள் என்று கூறினார். அப்போது அவர் பிரபாகரனை பெரிதும் புகழ்ந்தார். அவரது வீரத்திற்கு இணையே இல்லை என்று கூறினார். எனக்கே அப்போது ஆச்சர்யமாக இருந்தது. பேச்சை முடித்து கொண்டு நான் சென்னை திரும்பி இலங்கை செல்ல ஏற்பாடுகளை செய்ய முயன்ற போது வைகோ எனக்கு தெரியாமல் வேறு வழியில் இலங்கை சென்று விட்டார். அப்போது இலங்கைக்கு செல்வது பிரதான வழி அதுவல்ல என்பது எல்லோருக்கும் தெரியும். அந்த வழியாக அவர் இலங்கை சென்று விட்டார். எனவே நான் மீண்டும் டெல்லி சென்று ராஜீவிடம் வைகோ சென்ற விஷயம் குறித்து வருத்தம் தெரிவித்தேன். அப்போது மாநிலங்களவையில் இந்த பிரச்சனை எழுந்த போது பிரதமர் ராஜீவ் காந்தி, அவர் எந்த வழியில் சென்றார் என்பது முக்கியமல்ல. அவர் பத்திரமாக திரும்பினாலே போதும் என்று கூறினார். அதற்கு பிறகு என்னென்னவோ நடந்து விட்டன. அதன் பிறகு ஒருமுறை வேறு நாட்டுக்கு செல்ல சென்னை வந்த ராஜீவ் காந்தி விமான நிலையத்தில் தங்கியிருந்த போது என்னை அங்கு வருமாறு பணித்தார். வாக்குறுதி பற்றி நான் நடக்க முடியாத விஷயத்தை கூறி அவரிடம் வருத்தம் தெரிவித்தேன். அப்போது வைகோ விஷயத்தால் தான் இதில் தேக்கம் ஏற்பட்டது என்று நான் அவரிடம் கூறவில்லை. கவலைப்படாதீர்கள், பிரச்சனைக்கு தீர்வு காணும் நடவடிக்கையை தொடருவோம் என்று ராஜீவ் காந்தி சொன்னார். ஆனால் அது தொடர முடியாமல் போனது. அதற்குள் இலங்கையில் பல்வேறு குழப்பங்கள் ஏற்பட்டு தமிழீழப் போராட்டத்திற்கு ஒரு தடங்கல் உருவானது அனைவரும் அறிந்ததே. அதன் பிறகு ராஜீவ் காந்தி தமிழ் மண்ணில் இரத்தம் சிந்தவேண்டிய நிலை ஏற்பட்டது. அதற்கு பின்பு இந்திய மக்களிடையே அதுவரை இருந்து வந்த அனுதாபம், எழுச்சி, உணர்வு, வேகம் ஆகியவை எந்த அளவுக்கு மாய்ந்து போனது என நான் கூற தேவையில்லை. அதனால் தான் நான் கி.மு., கி.பி. என்பதை போல ராஜீவ் காந்திக்கு முன்பு, ராஜீவ் காந்திக்கு பின்பு என பிரித்து பார்க்க வேண்டும் என கூறினேன். இருந்தாலும் இலங்கை தமிழர்களுடன் நமக்குள்ள உறவு தொப்புள் கொடி உறவாகும். நம் இனமக்கள் கொல்லப்படுவது நமக்கு இனிப்பான விஷயமல்ல. கணைக் கொண்டு தாக்குவதைவிட மோசமான விஷயமாகும். ஆனால், சில சூழ்நிலைகள் காரணமாக இவற்றை தாங்கி கொள்ள வேண்டிய சூழ்நிலையில் இருக்கிறோம். எனவே, இந்த அடிப்படையில் தான் பிரச்சனையை அணுக வேண்டிய நிலையுள்ளது. தமிழ் மாணவிகள் குண்டு வீசி கொல்லப்பட்டது குறித்து இந்த சட்டசபையில் அனுதாப தீர்மானம் ஏகமனதாக நிறைவேற்றப்பட்டது. ஆயிரம் கருத்து வேறுபாடுகள் இருந்தாலும் இன ஒற்றுமை விஷயத்தில் தமிழர்கள் ஒன்றுபடுவார்கள் என்பதற்கு அது ஒன்றே சான்றாகும். இது தவறான தீர்மான என்பது போல் இன்றைய பத்திரிகை செய்தியில் குறிப்பிடப்பட்டுள்ளது. தமிழன் கொல்லப்படுவதை இன்னொரு தமிழன் கண்டிப்பது தவறு என்றால் அந்த தவறை தமிழன் தொடர்ந்து செய்வான். எனவே இது தவறான தீர்மானம் அல்ல. குண்டு வீசப்பட்டது குழந்தைகள் காப்பகம் மீது அல்ல அது பயிற்சி முகாம் என்று சொல்லப்படுகிறது. ஆனால் அந்த புகைப்படங்களை பார்க்கும் போது கொல்லப்பட்டவர்கள் இளம்சிறார்கள் என்பது புரியும். பத்திரிகையில் வெளியான சமாதான அறிக்கையில் கூட இலங்கை அரசின் கவனத்தை கவர கொண்டு வரப்பட்ட தீர்மானம் என்று கூறப்பட்டுள்ளது. ஆம், கவனத்தை கவருவதற்காக கொண்டு வரப்பட்ட தீர்மானம் தான். இந்த தீர்மானம் நிறைவேற்றப்பட்டதால் இறந்த குழந்தைகள் பிழைத்து விடப்போவதில்லை. நடந்த கொடுமையை கண்டிக்கிறோம். அதேசமயம் இதை வேடிக்கை பார்க்க கூடாது என்பதை சுட்டிக்காட்டுவதே எந்த தீர்மானத்தின் நோக்கமாகும். எனவே இந்த விஷயத்தில் மேல் நடவடிக்கை எடுப்பதை மத்திய அரசுக்கு விட்டு, விட்டு அவர்கள் இதை கவனிப் பார்க்கள் என்ற அளவோடு இந்த விஷயத்தை முடிக்கலாம் என கருதுகிறேன் என்றார் அவர். நன்றி>புதினம்.

சென்னை சிறிலங்காதூதரகம் முற்றுகை: 150 மாணவர்கள்கைது.

சென்னையில் உள்ள சிறிலங்கா துணை தூதரகத்தை முற்றுகையிட்ட அகில இந்திய மாணவர் பெருமன்றத்தைச் சேர்ந்த 150 மாணவர்கள் கைது செய்யப்பட்டனர். அகில இந்திய மாணவர் பெருமன்றத் தலைவர் லெனின் தலைமையில் இந்தப் போராட்டம் நடத்தப்பட்டது. ஆழ்வார்பேட்டையில் உள்ள சிறிலங்கா தூதரகம் முன்பாக குவிந்த நூற்றுக்கும் மேற்பட்ட மாணவர்கள் வளாகத்துக்குள் நுழைய முற்பட்ட போது அவர்களைக் காவல்துறையினர் தடுத்து நிறுத்தி கைது செய்தனர். இப்போராட்டத்தில் கலந்து கொண்ட மாணவர் பெருமன்ற நிர்வாகிகள் கூறியதாவது: முல்லைத்தீவு படுகொலையானது ஒரு அரச பயங்கரவாதச் செயல். மிகக் கொடூரமான அந்தப் படுகொலையைச் செய்ததோடு மட்டுமில்லாமல் தமிழ்நாட்டிலிருந்து கொண்டு அதை நியாயப்படுத்தும் வகையில் பொய்ச்செய்திகளை சிறிலங்கா துணைத் தூதுவர் வெளியிட்டு வருவதை எப்படி சகிக்க முடியும்? ஆகவே எமது மாணவர் பெருமன்றம் சார்பாக இந்தப் போராட்டத்தை நடத்துகின்றோம் என்றனர். சிறிலங்காவில் இந்திய கிரிக்கெட் அணி விளையாடுவதைக் கண்டித்தும், இனப்படுகொலையைத் தடுக்க இந்திய அரசு உடனே தலையிட வேண்டும் என்றும் பயங்கரவாதச் செயலை நியாயப்படுத்தும் சிறிலங்கா தூதரகங்களை மூட வேண்டும் என்று கோரியும் இந்த போராட்டத்தில் முழக்கங்கள் எழுப்பப்பட்டன. நன்றி>புதினம்.

ஐ.நா. உப மனித ஆணைக்குழுவில் முல்லைப் படுகொலை.

ஐக்கிய நாடுகள் சபையின் உப மனித உரிமை ஆணைக்குழு கூட்டத்தில் "சர்வதேச சர்வ நம்பிக்கை" என்ற சுவிஸ் நாட்டை தளமாக கொணடு இயங்கும் அரச சார்பற்ற நிறுவனம் சிறிலங்கா அரசின் கடந்த கால படுகொலைகளை சமர்ப்பித்துள்ளது. சுவிஸ் ஜெனீவாவில் நேற்று வெள்ளிக்கிழமை (18.08.06) நடைபெற்ற இந்த கூட்டத்தில் சுவிஸ் நாட்டை தளமாகக்கொண்டு இயங்கும் அரச சார்பற்ற நிறுவனம் சார்பாக திருமதி டியெற்றி மக்கோணால் அறிக்கையினை சமர்ப்பித்து உரையாற்றினார். அவர் தனதுரையில் கூறியதாவது: "இலங்கைத்தீவு சுதந்திரம் அடைந்ததிலிருந்து சிங்கள அரசுகளினால் தமிழ் மக்களுக்கு இழைக்கப்பட்ட அடக்குமுறை, இன வேறுபாடு காட்டும் சட்டங்களுடன் கூடிய காட்டுமிராண்டித்தனமான நடைமுறைகளுக்கு, தமிழ் மக்களினால் மேற்கொள்ளப்பட்ட 35 வருடகால சாத்வீகப் போராட்டங்கள் சிங்கள ஆட்சியாளாரின் அரச பயங்கரவாதத்தினால் வலுவிழக்கச் செய்யப்பட்டது. இதன் காரணமாக அந்தத் தீவில் 1983 ஆம் ஆண்டு முதல் தமிழீழ மக்களின் ஆதரவுடன் தமிழீழ விடுதலைப் புலிகளின் தலைமையில் ஆயுதப் போராட்டம் உருவாகியது. "இந்த ஆயுதப் போராட்டத்தின் மூலம், இலங்கைத்தீவில் தமிழர்களின் தாயக பூமியான வடக்கு-கிழக்கில், கடந்த 10 வருடங்களுக்கு மேலாக தமிழர்களுக்கான நிர்வாகம் அவர்களது தாயக பூமியின் 70 வீதமான பிரதேசத்தில் உருவாகியுள்ளது. "கடந்த 2002 ஆம் ஆண்டு பெப்ரவரி மாதம் தமிழீழ விடுதலைப் புலிகளுக்கும் சிறிலங்கா அரசுக்கும் இடையில் கைச்சாத்தான யுத்த நிறுத்த உடன்படிக்கையின் பின்னர், உலகின் பல பாகங்களிலிருந்தும் பல நாட்டின் முக்கிய புள்ளிகளும், இராஜதந்திரிகளும் தமிழர்களுக்கான நிர்வாகப் பிரதேசங்களுக்கு விஜயம் செய்துள்ளனர். "இன்று சிறப்பாக கடந்த நவம்பர் மாதம் முதல் இலங்கைத்தீவில் நடப்பவை அதிர்ச்சிக்கும் சர்வதேசத்தின் கவனத்திற்கும் உரியவை. "கடந்த ஏப்ரல் மாதம் முதல் சிறிலங்கா அரசு விமானத்தாக்குதலை ஆரம்பித்த காரணத்தினால், இடையிடையே சிறு, சிறு மீறல்களுடன் நடைமுறையிலிருந்து வந்த யுத்த நிறுத்த உடன்படிக்யை சிறிலங்கா அரசு முற்றாக நிராகரித்துள்ளது. "கடந்த சில தினங்களாக சிறிலங்கா அரசினால் வடக்கு-கிழக்கில் மேற்கொள்ளப்படும் இராணுவ, விமானத் தாக்குதலினல் ஏறக்குறைய 60,000 தமிழ் மக்கள் இடம்பெயர்ந்தும், மனிதாபிமான வேலைகளில் ஈடுபடுவோர் 18 பேர் கொல்லப்பட்டும் 700-க்கும் மேற்பட்டொர் படுகொலை செய்யப்பட்டும் உள்ளனர். கடந்த சில தினங்களாக உக்கிரமான யுத்தம் வடக்கு-கிழக்கில் நடைபெறுகின்றது. "கடந்த திங்கட்கிழமை (14.08.06) முல்லைத்தீவு என்னும் இடத்தில் நடைபெற்ற கொடூர சம்பவத்தை, இந்த உப மனித உரிமை ஆணைக்குழுவின் கவனத்திற்கு மிக அதிர்ச்சியுடனும் கவலையுடனும் கொண்டுவர விரும்புகிறேன். "முல்லைதீவு மாவட்டத்தில் முதலுதவி பயிற்சி வகுப்புக்களில் ஈடுபட்டிருந்த 15 தொடக்கம் 18 வயதுக்குட்பட்ட பாடசாலை மணவிகள் சிறிலங்கா அரசின் விமானத் தாக்குதலுக்கு இலக்காகினர். இதில் 61 மாணவிகள் பலியாகியும் 129 மாணவிகள் மிகவும் மோசமான படுகாயங்களுடன் மருத்துவமனைகளில் அனுமதிக்கப்பட்டுள்ளனர். இச்சம்பவத்தை, சிறிலங்கா யுத்த நிறுத்த கண்கணிப்பு குழு, ஐக்கிய நாடுகள் சபையின் சிறுவர்களுக்கான பிரிவுகள் நேரில் சென்று பார்வையிட்டு அறிக்கைகள் வெளியிட்டுள்ளனர் என்பது இங்கு குறிப்பிடத்தக்கது. "சிறுவர், சிறுமிகளை படுகொலை செய்யும் சிறிலங்கா அரசின் இந்த காட்டுமிராண்டித்தனத்தை இந்த உப மனித உரிமை ஆணைக்குழு போன்ற சர்வதேச அமைப்புகள் கண்டிக்க வேண்டும் என இங்கு வேண்டிக்கொள்கிறேன்" என்றார் டியெற்றி மக்கோணால். நன்றி>புதினம்

சிங்களத்திற்காக பாடுபடும் பிபிசி தமிழ்சேவை.

தமிழக சட்டசபை தீர்மானத்திற்கு இலங்கை அரசின் மறுப்பறிக்கை இலங்கை முல்லைத்தீவு மாவட்டத்திலுள்ள செஞ்சோலை குழந்தைகள் காப்பகத்தின் மீது நடத்தப்பட்ட வான்வழி தாக்குதலில் 61 மாணவிகள் கொல்லப்பட்டது தொடர்பில், இலங்கை இராணுவத்தை கண்டித்து தமிழக சட்டமன்றத்தில் வியாழக்கிழமை நிறைவேற்றப்பட்ட கண்டனத்தீர்மானத்திற்கு இலங்கை அரசின் சார்பில் இன்று வெள்ளிக்கிழமை மறுப்பறிக்கை வெளியிடப்பட்டுள்ளது. தமிழக சட்டமன்றத்தின் தீர்மானம் ஊகங்களின் அடிப்படையில் திரித்து கூறப்பட்ட விடயங்களை அடிப்படையாக கொண்டு நிறைவேற்றப்பட்டுள்ளது என்று இலங்கை அரசின் அறிக்கை தெரிவிக்கிறது. தமிழக தலைநகர் சென்னையில் இருக்கும் இலங்கை துணைத் தூதரகத்தின் சார்பில் தமிழ் நாட்டிலுள்ள ஊடகங்களுக்கு விநியோகிக்கப்பட்ட ஒருபக்க அறிக்கையில், தமிழ்நாட்டின் சட்டசபை தீர்மானத்தில் குறிப்பிட்டுள்ள விடுதலை புலிகளால் அநாதை காப்பகம் என்று கூறப்பட்டுள்ள இடம் உண்மையில் இராணுவத்திற்கு எதிராக தாக்குதல் நடத்துவதற்காக ஆட்களை சேர்த்து பயிற்சி அளிக்கும் விடுதலைப் புலிகளின் முகாம் என்றும், இவற்றைப்பற்றிய ஒளிநாடா இலங்கை அரசாங்கத்தினால் ராஜதந்திர சமூகத்துடனும் பத்திரிகையாளர்களுடனும் ஆகஸ்ட் 16 ஆம் தேதி பகிர்ந்துகொண்டும் வெளியிடப்பட்டும் உள்ளதாகவும் தெரிவிக்கப்பட்டுள்ளது. விடுதலைப்புலிகள் குறைந்த வயதுடைய போராளிகளை பலவந்த ஆட்சேகரிப்பு மூலம் பயிற்சியளிப்பது பலகாலமாக நடைபெறுவதாகவும், அந்த அடிப்படையில் இராணுவ விமான தாக்குதலின்போது விடுதலைப்புலிகளால் குறைந்த வயதில் தேர்வு செய்யப்பட்டு பயிற்சி அளிக்கப்பட்ட நபர்களும் இருந்திருக்கலாம் என்பதற்கான தகுந்த ஆதாரங்கள் உள்ளதாகவும் இலங்கை அரசின் அறிக்கையில் கூறப்பட்டுள்ளது. முல்லைத்தீவு இழப்பு உட்பட இச்சண்டையின் மூலம் ஏற்பட்டுள்ள சகல மனித இழப்புகளுக்கும் இலங்கை அரசு தனது முழுமையான கவலையை தெரிவிப்பதாகவும், விடுதலைப்புலிகளின் உந்துதலினால்தான் அரசாங்கம் தற்காப்புக்காகவே ஒரு வகை நிர்ப்பந்தத்தினால் நடத்திய தாக்குதலில் தான் இந்த மனித இழப்பு நேர்ந்தது என்பதை வலியுறுத்துவதாகவும் இலங்கை அரசு அறிக்கையில் கூறப்பட்டுள்ளது. விடுதலைப்புலிகள் தமது கொடூர செயல்களால் ஏற்படும் மனித துயரங்களை தமக்கு சாதகமாக விளம்பரத்திற்காக பயன்படுத்தி வருவதாகவும், தமிழ்நாடு சட்டசபையில் நிறைவேற்றப்பட்ட தீர்மானத்தையும் விடுதலைப்புலிகள் தமது சுய லாபத்திற்காக பயன்படுத்துவர் என்பதில் ஐயமில்லை என்றும் இலங்கை அரசின் அறிக்கை கூறுகிறது. நன்றி>பிபிசி http://www.bbc.co.uk/tamil/news/story/2004/05/040528_tamil_currentaffairs.shtml

செஞ்சோலையில் கொல்லப்பட்ட மாணவர் விபரம்.

Sencholai air-strike killed 55, details released Director of Education for Kilinochchi district, T Kurukularaja, and Director of Education for Mullaitivu district, P Ariyaradnam, have informed their respective Government Agents the details of the 55 victims killed in the Sri Lanka Air Force (SLAF) bombing on Sencholai campus in Vallipunam Monday. On Thursday, Mullaithivu Principals Association and Kandavalai Principals Association, the organisors of the ten-day program, condemned the aerial bombardment that killed 55 schoolchildren and staffers. "The residential course progressed to its fourth day, when on 14 August at 7:00 a.m the students were getting ready for the day's program when four Sri Lankan government Kfir jets started showering the area with bombs," the organisors said in a joint press release. The final tally of those killed in the Vallipunam school camp aerial bombing (55 killed of which 51 are students and four are staff) Names of students killed and the school they were attending from Mullaitivu district compiled by the Director of Education for Mullaitivu district, P Ariyaradnam, and sent to the Government Agent for Mullaitivu: School: Puthukkudiyiruppu Mahavidhyalayam Thambirasa Lakiya DOB: 26-03-89, Mullivaikal west Mahalingam Vensidiyoola DOB: 07-10-89, Mullivaikal west Thuraisingam Sutharsini DOB: 28-07-89, Ward 10, PKT School: Visuvamadu Mahavidhyalayam Nagalingam Theepa DOB: 29-03-87, Puthadi, Visuvamadu Thambirasa Theepa DOB: 07-02-87, Valluvarpuram, Redbarna Thirunavukkarasu Niranjini DOB: 29-11-88, Puthadi, Visuvamadu Raveenthirarasa Ramya DOB: 14-11-88, Thoddiyadi, V. madu Kanapathipillai Nanthini DOB: 05-10-88, Koddiyadi, Visuvamadu Vijayabavan Sinthuja DOB: 24-05-88, Koddiyadi, Visuvamadu Naguleswaran Nishanthini DOB: 11-04-89, Thoddiyadi, V.madu Tharmakulasingam Kemala DOB: 09-09-87, Kannakinagar, Arulampalam Yasothini DBO: 18-01-88, Puththadi, Visuvamadu School: Udayarkaddu Mahavidhyalayam Muthaih Indra DOB: 08-08-88, Suthanthirapuram centre Murugaiah Arulselvi DOB: 14-07-88, Suthanthirapuram centre Sivamoorthy Karthikayini DOB: 13-02-88, Vallipunam Santhanam Sathyakala DOB: 20-08-86, Vallipunam Kanagalingam Nirupa DOB: 11-02-89, Visuvamadu Kanagalingam Nirusa DOB: 11-02-89, Vallipunam Navaratnam Santhakumari DOB: 28-05-88, Kaiveli Nagalingam Kokila DOB: 12-02-87, Vallipunam Sivamayajeyam Kokila DOB: Kuravil Shanmugarasa Paventhini DOB: Balakrishnan Mathani DOB: 09-05-88, Vallipunam School: Mullaitivu Mahavidhyalayam Sivanantham Thivya DOB: 30-05-88, Vannankulam Thambirasa Suganthini DOB: 18-02-88, Alampil, S Vathsalamary DOB: 20-11-86, Manatkudiyiruppu Thanabalasingam Bakeerathy DOB: 03-02-87, Mullivaikal west Thanikasalam Thanusa DOB: 02-12-87, Kallappadu Pathmanathan Kalaipriya DOB: 23-09-88, Kovilkudiyiruppu Markupillai Kelansuthayini DOB: 14-07-88, Vannankulam Rasamohan Hamsana DOB: 29-05-87, Alampil School: Kumulamunai Mahavidhyalayam Vivekanantham Thadchayini DOB: 31-01-88, W 10, PTK Santhakumar Sukirtha DOB: 08-08-87, Ward 7, Kumulamunai Uthayakumaran Kousika DOB: 22-08-87, Kumulamunai Nallapillai Ninthija DOB: 03-03-88, Ward 6, Kumulamunai Veerasingam Rajitha DOB: 28-02-88, Ward 5, Kumulamunai School: Vidhyananda College, Mulliyavalai Thamilvasan Nivethika DOB: 02-12-88, Ward 2, Mulliyavalai Suntharam Anoja DOB: 12-09-89, Kumulamunai Puvanasekaram Puvaneswari DOB: 06-06-89, W 4, Mulliyavalai Kiritharan Thayani DOB: 28-12-89, Thannerutru, Mulliyavalai School: Chemmalai Mahavidhyalayam Mahalingam Vasantharani DOB: 23-03-88, Alampil, Chemmalai Thuraisingam Thisani DOB: 06-12-88, Alampil, Chemmalai Vairavamoorthy Kirithika DOB: 12-07-87, Alampil, Chemmalai Chandramohan Nivethika DOB: 04-01-89, Alampil, Chemmalai School: Oddusuddan Mahavidhyalayam Sellam Nirojini DOB: Koolamurippu, Oddusuddan Names of students killed and the school they were attending from Kilinochchi district compiled by the Director of Education for Kilinochchi district, T Kurukularaja, and sent to the Government Agent for Kilinochchi. School: Muruhananda Mahavidhyalayam Tharmarasa Brintha DOB: 06-01-89, 189/1 Visuvamadu Thevarasa Sharmini DOB: 09-03-89, 90, Periyakulam, Kandavalai School: Tharmapuram Mahavidhyalayam Varatharaja Mangaleswari DOB: 24-07-89, 577, 13 U, T.puram Rasenthiraselvam Mahilvathani DOB: 04-12-88, Tharmapuram Nilayinar Nivakini DOB: 04-04-89, Kaddakkadu, Tharmapuram School: Piramanthanaru Mahavidhyalayam Kubenthiraselvam Lihitha DOB: 05-02-87, Kalaveddithidal, Puliyampokanai Names of staff killed Chandrasekaran Vijayakumari (Age 27) Kandasamy Kumarasamy (Age 48) Solomon Singarasa (Age 65) S Jeyarubi (Age 20) Reproduction of this news item is allowed when used without any alterations to the contents and the source, TamilNet, is mentioned நன்றி>தமிழ்நெற்

யாழில் பட்டினிச்சாவு அவலம்: 5 இலட்சம் தமிழர்கள்.

சிறிலங்கா இராணுவத்தின் வலிந்த தாக்குதலால் தமிழ் மக்களுக்கு நெருக்கடி ஏற்பட்டுள்ளது. மனிதக்கேடயங்களாக குடியிருப்புக்களுக்குள்ளேயே சிறைவைக்கப்பட்டுள்ள சுமார் ஐந்து லட்சம் குடாநாட்டு மக்களின் நிலைமை நாளுக்கு நாள் மோசமடைந்து வருகிறது. களமுனை தகவல்கள் ஒரு வித மர்மம் நிறைந்த பீதியை கிளப்பிக்கொண்டிருக்க மறுமுனையில் ஊரடங்கு உத்தரவு நேரங்களில் நடைபெறும் அப்பாவி பொதுமக்களின் படுகொலைகள் இரத்தத்தை உறைய வைக்க- இன்னொரு புறம் அங்கு பட்டினி நிலை தலைதூக்கலாம் என்ற அபாய அறிவிப்பானது அசரீரியாக ஒலித்துக் கொண்டிருக்கிறது. கடந்த வெள்ளிக்கிழமை முதல் யாழ்ப்பாணத்தில் சிறிலங்கா இராணுவத்தால் நடைமுறைப்படுத்தப்பட்டிருக்கும் ஊரடங்குச் சட்டம் தற்போது நான்கு மணித்தியாலங்கள் வரை தளர்த்தப்பட்டது. வலிகாமம், தீவகம் பகுதிகளில் முற்பகல் 10 மணி தொடக்கம் பிற்பகல் ஒரு மணிவரையிலும் வடமராட்சி, தென்மராட்சிப் பகுதிகளில் நண்பகல் 12 மணிமுதல் பிற்பகல் 3 மணி வரையிலும் ஊரடங்கு தளர்த்தப்பட்டிருந்தது. இந்த நேரத்தில் வீதிக்கு வந்த பொதுமக்கள் கடைகளில் முண்டியடித்துக்கொண்டு பொருட்களை வாங்கிச் செல்கின்றனர். அத்தியாவசிய உணவு மற்றும் மருந்துப் பொருட்;களை வாங்கிகொண்டு மீண்டும் தமது வீடுகளை நோக்கி விரைகின்றனர் மக்கள். அந்த மூன்று மணித்தியாலங்களில் பிரதான வீதிகளில் பயங்கர மக்கள் நெருக்கடி. அச்சமயம் அனைத்து வீதிகளிலும் இராணுவத்தினர் பெருமளவில் குவிக்கப்பட்டு வெளியில் வரும் மக்கள் அவதானிக்கப்படுகின்றனர். சிறையில் கண்காணிக்கப்படுவது போல் நடத்தப்படுகின்றனர். ஊரடங்குச் சட்டத்தால் குடாநாட்டில் சகல தொழில் நடவடிக்கைகளும் முடங்கியுள்ளன. குறிப்பாகக் கிராமப் புறங்களில் அன்றாடம் தொழில் செய்து பிழைப்பு நடத்தும் ஏழைத் தொழிலாளர்கள் சுமார் ஒரு வாரமாகத் தொழில் வாய்ப்புகள் அற்ற நிலையில் வீடுகளுக்குள்ளேயே முடங்கிக் கிடக்கின்றனர். இதனால் அவர்களும், அவர்களது குடும்பங்களும் பெரிதும் பாதிக்கப்பட்டுள்ளன. கடற்கரையோரங்களை அண்டி வாழும் கடற்றொழிலாளர்களும் தொழிலுக்குச் செல்வதில்லை. அவர்களது குடும்பங்களும் பெரிதும் துன்பங்களை அனுபவிக்கின்றன. குடாநாட்டின் பல இடங்களிலும் விவசாயப் பயிர்ச் செய்கை பெருமளவில் பாதிக்கப்பட்டிருக்கிறது. ஊரடங்கு அமுலில் இருப்பதால் விவசாயிகள் எவரும் தமது வயல்களுக்கு செல்ல வாய்ப்புக் குறைந்துள்ளது. நீர் பாய்ச்சவும் எவருமில்லை. மரக்கறிப் பயிர்கள் என்பன நீரின்றிக் கருகி வருகின்றன. தோட்டங்கள் எங்கும் பயிர்கள் வாடிப் போய்க் காட்சியளிக்கின்றன. இதன் காரணமாக அன்றாட உணவுத் தேவைகளுக்கே மரக்கறி வகைகளைப் பெறமுடியாத நிலை ஏற்பட்டுள்ளது. போக்குவரத்துகளும் முற்றாகத் தடைப்பட்டிருப்பதால் அவசர நோயாளர்களைக் கூட மருத்துவமனைகளுக்குக் கொண்டு செல்ல முடியாத நிலை தோன்றியுள்ளது. இது இவ்வாறிருக்க பனையால் விழுந்தவனை மாடேறி மிதித்த கதையாக அத்தியாவசிய பொருட்களை பதுக்கும் நடவடிக்கைகளிலும் விசமிகள் ஈடுபட்டுள்ளனர். இது தொடர்பான முறைப்பாடுகள் கிடைத்ததை அடுத்து பதுக்கல்- அபரிமிதமான விலை உயர்வு என்பவற்றைத் தவிர்த்து உணவுப்பொருள்களையும் மற்றும் அத்தியாவசியப் பொருட்களையும் மட்டுப்படுத்தப்பட்ட அளவில் விநியோகம் செய்யுமாறு யாழ். அரச அதிபர் க.கணேஸ் சம்பந்தப்பட்டவர்களிடம் கோரியுள்ளார். இது விடயமாக பல.நோ.கூ.சங்கங்கள் மற்றும் அனைத்து தனியார் வர்த்தக நிறுவனங்களுக்கும் யாழ். அரச அதிபர் க.கணேஸ் கடிதம் ஒன்றை அனுப்பிவைத்துள்ளார். குடாநாட்டிலுள்ள பிரதேச செயலர்கள், உதவி அரச அதிபர்கள் மற்றும் கூட்டுறவு அபிவிருத்தித் திணைக்கள உதவி ஆணையாளர் ஆகியோருக்கும் இது தொடர்பாக அரச அதிபரினால் தெரிவிக்கப்பட்டுள்ளது. மக்கள் பல துன்பங்களை எதிர்நோக்கும் சந்தர்ப்பத்தில் ஒவ்வொருவரும் மிகுந்த பொறுப்புணர்வுடனும், நேர்மையுடனும் மக்களின் தேவைகளை நிறைவேற்றுவதற்காக முன்னின்று உழைக்கவேண்டும் என்றும் கையிருப்பில் உள்ள உணவுப் பொருட்களை சீரான முறையிலும், நீதியான விலையிலும் விற்பனை செய்வதற்கு அனைவரும் முழு ஒத்துழைப்பை வழங்கவேண்டும் என்றும் ப.நோ.கூட்டுறவுச் சங்க நிர்வாகத்துக்குப் பொறுப்பான அனைவரும் தமது விற்பனை நிலையங்களை ஊரடங்குச் சட்டம் தளர்த்தப்படும் நேரங்களில் இயங்குவதனை உறுதிப்படுத்துமாறும அரச அதிபர் கோரிக்கை விடுத்துள்ளார். இதேவேளை குடாநாட்டில் வணிகர்களிடம் ஒருவாரத்துக்குப் போதுமான உணவுப் பொருட்களே கைவசம் உள்ளதாக என்று யாழ். வணிகர் கழகம் தெரிவித்துள்ளது. யாழ். அரச அதிபர் கே.கணேஸின் ஏற்பாட்டில் நடைபெற்ற சந்திப்பில் கலந்துகொண்ட யாழ். வணிகர் கழகப் பிரதிநிதிகள், யாழ்ப்பாணம், நல்லூர், அனலைதீவு ப.நோ.கூ.சங்கங்களின் பிரதிநிதிகள் ஆகியோர் "கொழும்பில் இருந்து பொருட்;கள் ஏற்றிவந்த 60 லொறிகள் முகமாலையில் தடுத்துவைக்கப்பட்டுள்ளன" என்றும் "அவற்றை யாழ்ப்பாணத்துக்கு எடுத்துவர ஏற்பாடு செய்யும்";படியும் கோரிக்கை விடுத்தனர். அரிசி, மா, சீனி ஆகிய அத்தியாவசியப் பொருட்களின் விலை நாளுக்கு நாள் உயர்ந்து வருவதுடன் குடாநாட்டுக்கான மின்சாரம் தொடர்ந்து தடைப்பட்டுள்ள இந்நிலையில் எரிபொருட்களும் தற்போது முற்றாக தீர்ந்து வருவதாக களஞ்சிய வட்டாரங்கள் தெரிவிக்கின்றன. தேங்காய் ஒன்றின் விலை 50 ருபாவிலிருந்து 250 ருபாவுக்கு உயர்ந்துள்ளது. ஒரு கிலோ பச்சை மிளகாய் 50 ருபாவுக்கு விற்கப்படுகிறது. குடாநாட்டுக்கான தொலைத்தொடர்பு சேவைகளும் கிட்டத்தட்ட முற்றாகவே செயலிழந்த நிலையாகவே காணப்படுகிறது. செல்லிடப்பேசி மற்றும் வயர்லெஸ் தொலைபேசி சேவைகள் முற்றாக செயலிழந்துள்ள நிலையில் மட்டுப்படுத்தப்பட்ட அளவில் சிறிலங்கா ரெலிக்கொம் தனது சேவையை வழங்கி வருகிறது. இதனால் வீடுகளில் தொலைபேசி வசதி உடையவர்கள் சிலர் இதனையே சந்தர்ப்பமாக பயன்படுத்தி கொள்ளை லாபம் ஈட்டி வருவதாகவும் தகவல்கள் தெரிவிக்கின்றன. தெளிவான அழைப்புக்களை வெளி இடங்களுக்கு மேற்கொள்ளக்கூடிய தொலைபேசி வசதி கொண்டவர்கள் வெளி அழைப்புக்களுக்கு 10 ருபாவும் உள்வரும் அழைப்புக்களுக்கு 8 ருபாவும் அறவிட்டு தமது "இடைக்கால தொழிலாக" அதை "செழிப்புறச்செய்வதில்" தீவிரமாக உள்ளனர் என்று மக்கள் கவலை தெரிவிக்கின்றனர். இது இவ்வாறிருக்க, யாழ். மாவட்டத்திலிருந்து வெளியிடங்களுக்குச் செல்வதற்கான போக்குவரத்து ஏற்பாடுகளை உடனடியாகச் செய்வதற்கான வசதிகள் தற்போது இல்லை என்று யாழ். மாவட்ட அரச அதிபர் க.கணேஸ் அறிவித்துள்ளார். முகமாலையில் கடந்த வெள்ளிக்கிழமை திடீரென தொடங்கிய மோதலோடு வடக்கிற்கான போக்குவரத்துப் பாதைகள் மூடப்பட்டதால், ஏற்கனவே தமது தேவைகளுக்காக வேறு பகுதிகளுக்குச் சென்றவர்கள் தத்தமது சொந்த இடங்களுக்குச் செல்ல முடியாமல் பெரிதும் இடர்படுகின்றனர். குறிப்பாக வன்னி மற்றும் யாழ்ப்பாணம் ஆகிய பகுதிகளுக்கும், அங்கிருந்து வவுனியா, கொழும்பு போன்ற இடங்களுக்கும் தொழில் நிமித்தமாகவும், மருத்துவத் தேவைகள் மற்றும் வேறு விடயங்களுக்காகவும் சென்றவர்கள் திடீரெனப் பாதைகள் பூட்டப்பட்டதால் தத்தமது பகுதிகளுக்குத் திரும்ப முடியாமல் அங்கலாய்க்கின்றனர். தமது கைக்குழந்தைகளைத் தனியாக விட்டு வந்த தாய்மார்கள் உட்பட ஏராளமான பொதுமக்கள் சொந்த இடம் திரும்ப முடியாமல் அவதிப்படுகின்றனர். வடக்கே மாவட்டங்களுக்கிடையில் போக்குவரத்து துண்டிக்கப்பட்டிருப்பதால் மக்கள் செய்வதறியாது அங்கும் இங்குமாக அவதிப்பட்டு நிற்கின்றனர். வன்னி மற்றும் யாழ்ப்பாணம் ஆகிய பகுதிகளிலிருந்து ஓமந்தையூடாக வேறு மாவட்டங்களுக்குச் சென்றவர்களில் சுமார் 500 பேர் தமது இடங்களுக்குத் திரும்ப அவசரமாக அனுமதி பெற்றுத் தரும்படி வவுனியா மாவட்ட அரச அதிபரிடம் விண்ணப்பித்திருக்கின்றனர் என்று வவுனியா செயலக வட்டாரங்கள் தெரிவித்துள்ளன. ஓமந்தை ஊடான போக்குவரத்துக்கு மட்டுப்படுத்தப்பட்ட அளவிலேனும் அனுமதிக்குமாறு வவுனியா அரச அதிபர் படை அதிகாரிகளிடம் கேட்டுக் கொண்டார். எனினும், பாதுகாப்பு அமைச்சிடம் இருந்து அனுமதி கிடைத்தால் மட்டுமே போக்குவரத்துக்கு அனுமதிக்க முடியும் என்று படைத்தரப்பு தெரிவித்து விட்டதாகவும் வவுனியா செயலக வட்டாரங்கள் மேலும் தெரிவித்தன. வன்னியில் புலிகளின் கட்டுப்பாட்டுப் பகுதியில் கடமையாற்றும் அரச அலுவலர்கள் வவுனியா ஓமந்தை சோதனைச் சாவடியூடாகப் புலிகளின் பகுதிக்குள் செல்ல அனுமதிக்கப்பட்டுள்ளனர் என்று அங்கிருந்து கிடைக்கும் தகவல்கள் தெரிவித்தன. அரச அலுவலர்கள் தமது உத்தியோக அடையாள அட்டையை சோதனைச் சாவடியில் படையினரிடம் காண்பித்து தம்மை உறுதிப்படுத்திய பின்னர் சாவடியூடாக வன்னிப் பகுதிக்குள் செல்லமுடியும் என்று மாவட்ட அரச அதிபர் எஸ்.சண்முகம் தெரிவித்தார். எனினும் புலிகள் பகுதிக்குள்ளிருந்து வவுனியாவுக்கு வருவதற்கு அனுமதி வழங்கப்பட்டுள்ளதா என்பதை உறுதி செய்ய முடியவில்லை. இப்போதைக்கு கண்டி வீதியை திறப்பதற்கும் ஊரடங்கை முற்றாக நீக்குவதற்கும் படையினர் கடைசிவரை சம்மதிக்க மாட்டார்கள். அப்படி செய்தால் மக்கள் புலிகளின் கட்டுப்பாட்டுப்பகுதிக்குள் சென்றுவிடுவர். அதன் பிறகு குடாநாட்டை கைப்பற்றுவது புலிகளுக்கு சுலபமாகிவிடும் என்ற அச்சம் படையினருக்கு உள்ளுர உண்டு. ஐந்து லட்சம் மக்களும் தொடர்ந்தும் இராணுவத்தினரின் கிடுக்குப்பிடியில் நாளாந்தம் செத்து-செத்து வாழ்வதுதான் விதி என்று அங்குள்ள மக்கள் தொலைபேசியில் கண்ணீர் மல்குகின்றனர். நன்றி>புதினம்

படம்காட்டியது சிறீலங்கா: நிராகாரிக்கப்பட்டது.

சிறிலங்கா அரசாங்கத்தின் முல்லைத்தீவு வீடியோப் படம்: கண்காணிப்புக் குழுத் தலைவர் நிராகரிப்பு முல்லைத்தீவில் விமானக் குண்டு வீசப்பட்ட இடத்தில் விடுதலைப் புலிகளின் பயிற்சி முகாம் இருந்ததாகக் கூறி சிறிலங்கா அரசாங்கம் வெளியிட்டிருந்த வீடியோ படக் காட்சிகளில் போதுமான ஆதாரங்கள் இல்லை என்று இலங்கை போர் நிறுத்த கண்காணிப்புக் குழுத் தலைவர் உல்ப் ஹென்றிக்சன் தெரிவித்துள்ளார். இது குறித்து அவர் கூறியுள்ளதாவது: சிறிலங்காவின் அமைச்சர் கேகலிய ரம்புக்வெல கூறுவதைப் போல் நாங்கள் தவறான இடத்தைச் சென்று பார்வையிடவில்லை. இது தொடர்பாக எமக்கு போதுமான ஆதாரங்கள் உள்ளன. அந்த ஆதாரங்களை அரசாங்கத்துக்கும் நாம் அனுப்பி வைத்துள்ளோம். குறைந்தபட்சம் 12 குண்டுகள் அங்கே வீசப்பட்டுள்ளன. வெடிக்காத குண்டு ஒன்றை எமது கண்காணிப்புக் குழு உறுப்பினர்கள் கண்டுபிடித்துள்ளனர். அத்தகைய குண்டுகளை சிறிலங்கா விமானப்படையினர்தான் பயன்படுத்துகின்றனர். விமானக் குண்டு வீச்சு நடத்தப்பட்ட இடத்தில் அரசாங்கம் கூறுவதைப் போல் எந்த ஒரு ஆயுத பயிற்சி முகாமும் இருக்கவில்லை. ஆயுதப் பயிற்சி முகாம் இருந்ததாகக் கூறி சிறிலங்கா அரசாங்கம் வெளியிட்டிருக்கும் வீடியோ படத்தில் கூட அவர்கள் கூறுவதற்கான போதுமான ஆதாரம் ஏதும் இல்லை என்றார் ஹென்றிக்சன். ஆனால் வழக்கம் போல் இதனை சிறிலங்கா அமைச்சர் கேகலிய ரம்புக்வெல மறுத்துள்ளார். அங்கே ஆயுதப் பயிற்சி கொடுக்கப்பட்டதாக தொடர்ந்து பொய் கூறி வருகிறார். நன்றி>புதினம்.

தமிழின துரோகிகளை இனம்கானுவது எப்படி?

தமிழன் என்று சொல்லிக்கொண்டு தமிழர்களுக்கு துரோகம் செய்பவர்களை இனம் கானுவது எப்படி எனபதை உலகத்தமிழர் அறிந்துகொள்வதற்காக வரயப்படும் வரைவு இது. ஈழத்தில் நடைபெறும் போராட்டத்துக்கு ஆதரவாகவும் எதிராகவும், பலர் பேசுகிறார்கள் எழுதுகிறார்கள். குறிப்பாக புலிகளுக்கு எதிராக பேசுகிறார்கள் எழுதிகிறார்கள். ஆனால் எதிர்ப்பவர்கள் எலோரும் சொல்லும் கருத்து, மக்கள் கொலைகள் செய்யப்படுவதை கண்டிக்கிறார்கள், அல்லது கண்டிப்பது போல் நடிக்கிறார்கள். இதனால் பல உலகத்தமிழர்கள் கருத்து மயக்கம்கொள்கிறார்கள். அவர்களது தீர்மானதிற்காக இது விடப்படுகிறது. முல்லைத்தீவு செஞ்சோலையில் நடைபெற்ற சிங்களரானுவத்தின், விமானகுண்டுவீச்சுக்கு பலியான மாணவிகள், UNHCR, போர்நிறுத்த கண்கானிப்பு குழுவினர் சென்று, கொல்லப்பட்டவர்கள் மாணவர்கள்தான் என உறுதிப்படுத்தப்பட்டபின்னரும், அந்த இறந்து போன அப்பாவி மாணவர்களை வைத்து இவர்கள் செய்யும் அரசியலும், செய்தி மயக்கத்தையும் நீங்களே பிரித்து அறிந்து கொள்ளலாம். ஒளிவடிவில் பார்க்க இங்கே செல்லவும். http://www.eelatamil.com/sensolai/ புகைப்படங்களாக பார்க்க இங்கே செல்லவும். http://sankathi.org/news/index.php?option=com_content&task=view&id=8&Itemid=1 http://www.eelampage.com/?cn=28175 http://www.tamilnet.com/art.html?catid=13&artid=19224 கொல்லப்பட்டவர்கள் மாணவர்கள்தான் என UNHCR, போர்நிறுத்த கண்காணிப்பு குழுவினர்நிரூபித்த நிருபனங்கள். http://www.eelampage.com/?cn=28187 http://www.tamilnet.com/art.html?catid=13&artid=19228 http://sankathi.org/news/index.php?option=com_content&task=view&id=28&Itemid=1 இச்சம்பவங்களை தமிழர் என கூறிக்கொண்டு அவ் அப்பாவிமாணவர்களை வைத்து செய்திரிப்பவர்களின் திரிபுகளும், பொதுமக்களுக்காக தற்காப்பு பயிற்ச்சி கொடுக்கப்பட்ட புகப்படங்களை, இறந்த மாணவர்களின் படங்களுடன் கலந்து, அவர்கள் ராணுவ பயிற்சிக்குதான் வந்தார்கள் என நிறுவ முயற்சிக்கப்படும் முயற்சி. திரிபுகளைபார்க்க இங்கே செல்லவும் தேனீ http://www.thenee.com/html/mullai-17.html இலக்கு http://ilakku.com/?p=549 விழிப்பு http://vizhippu.net/node/4290 அதிரடி http://athirady.com/?p=1852 நிதர்சனம்.நெற் http://nitharsanam.net/?p=1354 நெருப்பு http://www.neruppu.com/ http://www.hindu.com/2006/08/16/stories/2006081613520100.htm இவர்கள், ராணுவ பயிற்சிக்கு என வலுகட்டாயமாக கொண்டுவரப்பட்டதாக கூறியவர்களுக்காக இன்று தமிழ்நாட்டு சட்டசபையில், இரங்கலும் கண்டனமும் தெரிவிக்கப்பட்டது. கண்டனத்தை பார்க்க இங்கே செல்லவும் http://www.bbc.co.uk/tamil/news/story/2004/05/040528_tamil_currentaffairs.shtml இந்தியாவால் தடை செய்யப்பட்ட அமைப்பில் பயிற்சி பெற்றவர்களுக்கு, தமிழ்நாட்டு சட்டசபையில் இரங்கலும்,கண்டனமும் செய்யமுடியுமா? மத்திய அரசின் நிலைதான் எனது நிலை என கூறும் தமிழக முதல்வர் இதை அனுமதிப்பாரா? அல்லது இந்திய சட்டம்தான் இதை அனுமதிக்குமா? எட்டபனும், காக்கைவன்னியனும் தமிழர்கள்தான், ஆனால் அவர்கள் இனம்கானப்பட்டார்கள். எனவே வாசகர்களே, தமிழினத்தின் துரோகிகள் யாரென்று இனம்கானுவதை உங்களிடம் விட்டுவிடுகிறேன். விவரமான தகவலுக்கு>http://www.eelabarathi.com/1.html

கொழும்பில் மொட்டைகளின் சண்டை.

கொழும்பில் இன்று நடந்த அமைதிப் பேரணியில் பௌத்த பிக்குகள் பாரிய கலவரத்தில் ஈடுபட்டனர். தேசிய போருக்கான எதிர்ப்பு முன்னணியினர் இன்று வியாழக்கிழமை மாலை விகாரமாதேவி பூங்கா அருகே அமைதிப் பேரணி நடத்தினர். அப்போது அந்த இடத்துக்கு பதாகைகளுடன் வந்த தேசிய பிக்கு முன்னணியினர், கிளிநொச்சிக்குப் போய் அமைதி குறித்து பிரசங்கம் நிகழ்த்துமாறு தேசியப் போருக்கு எதிரான முன்னணியினரிடம் வாதிட்டுள்ளனர். அதைத் தொடர்ந்து போருக்கான முன்னணியினரின் மேடையில் ஏறிய பிக்கு முன்னணியினர் முழக்கங்களை எழுப்பினர். நாடாளுமன்ற உறுப்பினர்கள், அமைச்சர்கள் மற்றும் அரசியல் கட்சிகளின் தலைவர்கள் அப்போது மேடையில் இருந்தனர். போருக்கு எதிரான முன்னணியினருக்கும் பிக்கு முன்னணியினருக்கும் இடையே கைகலப்பு ஏற்பட்டது. பிக்குகளின் அங்கிகள் பறந்து கீழே விழுந்தன. மேடையிலிருந்து பிக்கு முன்னணியினர் பலவந்தமாக தள்ளிவிடப்பட்டனர். "அவர்கள் போருக்குப் போக வேண்டும் என்று வலியுறுத்துகிறனர். நாங்கள் போருக்கு அப்பால் உள்ள சந்தர்ப்பம் குறித்து பேசுகிறோம். அவர்கள் பாரிய யுத்தத்தை விரும்புகிறார்கள். நாங்கள் சில நிமிடங்களில் தீர்க்க வேண்டும் என்று நினைக்கிறோம்" என்றார் தேசிய போருக்கு எதிரான முன்னணியைச் சேர்ந்த பௌத்த பிக்கு மதம்பவெ அஸ்ஸகி. அதன் பின்னர் பேரணி அமைதியாக நடைபெற்றது. ஜாதிக ஹெல உறுமயவின் பிக்குகள் பிரிவாக தேசிய பிக்கு முன்னணி செயற்பட்டு வருகிறது. படங்கள்: அசோசியட்டற் பிறஸ் நன்றி>புதினம்.

படுகொலைக்கு சமாதானம் சொல்வது சண்டாளத்தனம்,-கருனாநிதி.

இனவெறி மற்றும் இதயமற்றோர் நடத்திய முல்லைத்தீவு படுகொலைக்கு சமாதானம் சொல்வது போன்ற சண்டாளத்தனம் கொடுமையானது என்று தமிழ்நாடு முதல்வர் கலைஞர் மு.கருணாநிதி கடுமையாகச் சாடியுள்ளார். இது குறித்து கலைஞர் மு. கருணாநிதி கூறியுள்ளதாவது: கேள்வி: இனவெறி- இதயமற்றோர் நடத்திய கொடுமை இவற்றுக்கு உதாரணமாக அண்மையில் நடந்த நிகழ்ச்சி எது? பதில்: அண்மையில் என்ன, மிக அருகில் நடந்த நிகழ்ச்சியே உள்ளதே! இலங்கையில் குழந்தைகள் காப்பகத்தின் மீது இராணுவ விமானங்கள் குண்டுகள் பொழிந்து தாக்குதல் நடத்தியதும், அந்த நாச காரியத்தையும் நடத்திவிட்டு, அதற்கு சமாதானமும் சொல்வது போன்ற சண்டாளத்தனமும்தான் அந்த நிகழ்ச்சி என்றார் கருணாநிதி. நன்றி>புதினம்.

முல்லைத்தீவு படுகொலை: தமிழ்நாடு சட்டப்பேரவை கண்டனம்.

நாகரிகமற்ற- காட்டுமிராண்டித்தனமான - மனிதாபிமானம் - சிறிதுமற்ற - கொடுமை நிறைந்தது இலங்கை இராணுவத்தின் முல்லைத்தீவு படுகொலை என்று தமிழ்நாடு சட்டப்பேரவை கண்டனம் தெரிவித்துள்ளது. சிறிலங்கா வான்படை நடத்திய கொடூர வான்குண்டுத் தாக்குதலில் 61 பாடசாலை சிறுமிகள் படுகொலை செய்யப்பட்டதைக் கண்டித்து தமிழ்நாடு சட்டப்பேரவையில் இன்று கண்டனத் தீர்மானம் நிறைவேற்றப்பட்டு இரங்கல் தெரிவிக்கப்பட்டது. தமிழ்நாடு சட்டப்பேரவை சபாநாயகர் ஆவுடையப்பன் கண்டனத் தீர்மானத்தை வாசித்தார். தீர்மான விவரம்: 14.8.2006 அன்று இலங்கையில் உள்ள முல்லைத்தீவு மாவட்டத்தில் உள்ள அனாதைக் குழந்தைகள் காப்பகத்தின் மீது இலங்கை இராணுவத்தினர் சரமாரியாக குண்டுகளை வீசித் தாக்கியதன் காரணமாக 61 மாணவிகள் உயிரிழந்தது குறித்தும் 150க்கும் மேற்பட்ட மாணவிகள் படுகாயமடைந்தது குறித்தும் இப்பேரவை அதிர்ச்சியும் ஆற்றொணா துயரமும் கொள்கிறது. மனிதநேயத்தில் தோய்ந்துள்ள எவராயினும் அவர்களால் மன்னிக்க முடியாத இந்த நிகழ்ச்சிக்கு முற்றுப்புள்ளி வைக்க வேண்டும் என்பதில் இருவேறு கருத்துக்கு இடமில்லை. இந்த நாகரிகமற்ற காட்டுமிராண்டித்தனமான மனிதாபிமானம் சிறிதும் அற்ற கொடுமை நிறைந்த இலங்கை இராணுவத்தின் இச்செயலை இப்பேரவை வன்மையாகக் கண்டிக்கிறது. நிலையான வாழ்க்கை முறைகளுக்கும் நிலைத்த பாதுகாப்புக்கும் போராடி வரும் இலங்கை வாழ் அப்பாவித் தமிழ் மக்களை கொன்று குவித்து வரும் இந்தப் போர் நடவடிக்கையை உடனடியாக நிறுத்தி சமாதான பேச்சுவார்த்தை மூலம் பிரச்சனைகளுக்குத் தீர்வு காண இலங்கை அரசை இந்திய அரசு கேட்டுக் கொள்ள வேண்டும் என்றும் தமிழக முதலமைச்சர் இந்தியப் பிரதமரிடம் வற்புறுத்தி இருக்கிறார். இலங்கை இராணுவத்தின் இக்கொடிய கொலைவெறியாட்டத்தில் உயிரிழந்த பள்ளிக் குழந்தைகளுக்கு ஆழ்ந்த இரங்கலையும் அனுதாபத்தையும் இப்பேரவை தெரிவித்துக் கொள்கிறது. மறைந்த இந்தப் பள்ளிக் குழந்தைகளுக்கு மரியாதை செலுத்தும் வகையில் மாண்புமிகு உறுப்பினர்கள் அனைவரும் எழுந்து நின்று இரண்டு மணித்துளிகள் அமைதி காக்குமாறு கேட்டுக்கொள்கிறேன் என்று சபாநாயகர் ஆவுடையப்பன் தெரிவித்தார். அதன் பின்னர் தமிழ்நாடு சட்டப்பேரவை உறுப்பினர்கள் அனைவரும் 2 நிமிடம் எழுந்து நின்றி தங்களது அகவணக்கத்தைச் செலுத்தினர். நன்றி>புதினம்.

அகவை-பால் வேறுபாடின்றி கொல்வோம்!!!

தமிழீழ விடுதலைப் புலிகளாக கருதப்படுவோரை, அகவை - பால் வேறுபாடின்றி கொல்லப் போவதாக சிங்களப் பயங்கரவாத அரசாங்கம் பகிரங்கமாக அறிவித்துள்ளமை, அனைத்துலக மட்டத்தில் அதிர்ச்சியை ஏற்படுத்தியுள்ளது. நேற்று ரொய்டர் செய்திச் சேவைக்கு செவ்வி வழங்கிய சிறீலங்கா பாதுகாப்புத்துறைப் பேச்சாளர் அமைச்சர் கெஹெலிய ரம்புக்வெல, எதிரிகளைக் கொல்லும் போது, அகவை - பால் வேறுபாடுகளை படையினர் பார்க்க முடியாது|| என தெரிவித்திருந்தார். சிறீலங்கா அரசாங்கத்தின் இந்த அறிவித்தல், அனைத்துலக மட்டத்தில் ஆழ்ந்த அதிர்ச்சியை ஏற்படுத்தி இருப்பதாக, பிரித்தானியாவில் இருந்து வெளியாகும் (The Independent) "த இன்டிப்பென்டென்ற்" நாளேடு தெரிவித்துள்ளது. நன்றி>பதிவு.

பாகிஸ்தானிடம் 2 கப்பல் ஆயுதங்களை வாங்கியது சிறிலங்கா.

சிறிலங்காவுக்கு கனரக இராணுவ உதவிகளை செய்ய இந்தியா நிராகரித்தமையால் பாகிஸ்தானிடமிருந்து 2 கப்பல் ஆயுதங்களை சிறிலங்கா வாங்கியுள்ளது. இந்த ஆயுதக் கப்பல்கள் கொழும்பு துறைமுகத்துக்கு கடந்த 14 ஆம் நாளன்று வந்தடைந்துள்ளன. முன்னதாக தனது ஆயுதக் கொள்வனவுப் பட்டியலை பாகிஸ்தானிடம் சிறிலங்கா அளித்தாக செய்திகள் வெளியாகின. இந்தியாவிலிருந்து வெளியாகும் இந்தியன் எக்ஸ்பிரஸ் ஊடகம் இதை அம்பலப்படுத்தியிருந்தது. கடந்த ஏப்ரலில் பாகிஸ்தான் சென்ற சிறிலங்கா அரச தலைவர் மகிந்த ராஜபக்ச, இராணுவக் கொள்வனவு தொடர்பாக குறிப்பாக விமானப் படைக்கான கொள்வனவு குறித்து விவாதித்தார். இதற்கான நீண்ட பட்டியலையும் அவர் கையளித்தார். விமானப் படைக்காக செய்திமதிப் படங்கள் மற்றும் இரண்டு ஆளில்லா விமானங்கள் உள்ளிட்ட நீண்ட ஆயுதக் கொள்வனவுப் பட்டியல் ஒன்றையும் பாகிஸ்தானிடம் மகிந்த ராஜபக்ச கையளித்திருந்தார். கடந்த மாதம் மார்ச் முதலாம் நாளன்று சிறிலங்காவுக்கான பாகிஸ்தானிய தூதுவர் பசீர் வாலி மொகமெட்டுக்கு சிறிலங்கா முப்படைகளின் தளபதியாக இருந்த தயா சந்தகிரி கடிதம் ஒன்றை அனுப்பினார். அதில் ரி-55 ரக டாங்கிகள் மற்றும் சி-130 ஹேர்குலஸ் விமானம் ஆகியவற்றை உடனடியாக ஆய்வு செய்ய ஒரு தொழில்நுட்பக் குழுவை சிறிலங்காவுக்கு அனுப்பி வைக்க அவர் வேண்டுகோள் விடுத்திருந்தார். இந்த தளபாடங்களினது உதிரிப்பாகங்கள் சிறிலங்காவுக்குத் தேவையானதாக இருந்தது. முன்னதாக பெப்ரவரி மாதத்தில் 100 மி.மீ ரி-55 ரக டாங்கியை சிறிலங்காவுக்கு பாகிஸ்தான் இலவசமாகக் கொடுத்ததாக சில செய்திகள் தெரிவித்தன. பாகிஸ்தானிடம் சிறிலங்காவால் கையளிக்கப்பட்டிருந்த ஆயுதக் கொள்வனவு பட்டியல்: விமானப் படை: 2 ஆளில்லா விமானங்கள். கிபிர் விமானங்களுக்கான வான் எரிகுண்டுத் தொகுதிகள 20 லேசர் வழிகாட்டிக் குண்டுகள 30 ஆழ ஊடுருவிக் குண்டுகள 500, 80 மில்லிமீற்றர் ரொக்கட் எறிகணைகள் எரிகுண்டுடன இராணுவம்: 10 பக்தார் சிகென் ரக ராங்கி எதிர்ப்பு, வழிகாட்டி ஏவுகண 1000 வானொலித் தொடர்புச் சாதனங்கள். கடற்படை: 5000 மோட்டார் குண்டுகள 250 இரவு நேர காட்டித் தொகுதி ஆகியவை அந்தப் பட்டியலில் இடம்பெற்றிருந்தன. இதனைத் தொடர்ந்து சிறிலங்காவுக்கு 250 மில்லியன் டொலர் இராணுவத் தளபாடங்களை பாகிஸ்தான் வழங்க உள்ளது என்று மீண்டும் இந்திய ஆங்கில நாளேடு ஒன்று கடந்த யூன் மாதம் தெரிவித்திருந்தது. அந்த நாளேட்டின் செய்தியில் தெரிவிக்கப்பட்டிருந்ததாவது: கடந்த காலங்களில் இந்தியாவிடம் சிறிலங்கா இராணுவ உதவியை கோரியிருந்தது. ஆனால் தமிழர்களின் உணர்வுகளைப் பாதிக்கும் என்று இந்தியா அஞ்சியது. அண்மையில் லண்டனிலிருந்து வெளியான இதழ் ஒன்றில் பாகிஸ்தானிடமிருந்து 60 மில்லியன் டொலர் அளவிற்கான இராணுவ உதவியை பெற சிறிலங்கா பேச்சுக்கள் நடத்தியிருப்பதாக தெரிவித்திருந்தது. 40 டாங்கிகள் உள்ளிட்ட அதிகளவிலான தளபாடங்களை பாகிஸ்தானிடம் சிறிலங்கா கோரியுள்ளது. இதற்காக 250 மில்லியன் டொலர் கடன் வழங்க பாகிஸ்தான் முடிவு செய்திருப்பது இந்தியாவுக்கு ஏற்றுக்கொள்ள முடியாத சில கேள்விகளை எழுப்பியுள்ளது. வெளிப்படையாக பாகிஸ்தானிடமிருந்து 20 மில்லியன் டொலர் மதிப்பிலான இராணுவத் தளபாடங்களே சிறிலங்கா வாங்குவதாக கூறப்படுகிறது. ஆனால் லண்டன் இதழின் செய்தியில் சிறிலங்கா விமானப் படைக்கு மட்டும் 38.1 மில்லியன் டொலர் மதிப்பிலான தளபாடங்கள் வாங்கப்பட்டுள்ளதாக தெரிவிக்கப்பட்டிருந்தது. இந்த ஊகச் செய்திகளை அவ்வப்போது சிறிலங்கா அரசாங்கமும் பாகிஸ்தானிய அரசாங்கமும் மறுத்து வந்த போதும் கடந்த ஓகஸ்ட் 14 ஆம் நாளன்று 2 கப்பல் தொகுதி ஆயுதங்கள் கொழும்பு துறைமுகத்தை வந்தடைந்துள்ளன. இதனை கொழும்பிலிருந்து வெளியாகும் "டெய்லி மிரர்" ஆங்கில நாளேட்டில் கொழும்பு குண்டுவெடிப்பில் சிக்கியதாகக் கூறப்படும் சிறிலங்காவுக்கான தூதுவர் பசீர் வாலி மொகமெட் குறித்து பிரபல சிங்கள அரசியல் கட்டுரையாளர் சம்பிக்க லியனாராச்சி எழுதுகையில், பாகிஸ்தானிலிருந்து 2 கப்பல் தொகுதி ஆயுதங்கள் கொழும்பு துறைமுகத்தை வந்தடைந்துள்ள நிலையில் பசீர் வாலி மொகமெட் மீது தாக்குதல் நடத்தப்பட்டுள்ளது என்று குறிப்பிட்டு உறுதி செய்துள்ளார். நன்றி>புதினம்.

புலிகள் பழைய நிலைகளுக்கு திரும்பினர்.

தேர்ந்தெடுத்த இலக்குகளை தாக்கியழித்த புலிகள் பழைய நிலைகளுக்கு திரும்பினர். திருமலையில் கடந்த 26 நாள் தொடக்கம் விடுதலைப் புலிகளின் நிர்வாகப் பகுதிகள் நோக்கி சிறீலங்காப் படையினர் விமானத்தாக்குதல், எறிகணைத் தாக்குதலை கண்மூடித்தனமாக நடத்தினர். இதனையடுத்து மாவிலாறு அணைக்கட்டை சிறீலங்கா படையினர் கைப்பற்றும் நோக்குடன் முன்னெடுத்த படைநகர்வு விடுதலைப் புலிகளால் முறியடிக்கப்பட்டு விடுதலைப் புலிகளால் தேர்ந்தெடுக்கப்பட்ட இலக்குகளை அழி்க்க அதாவது இராணுவ நடவடிக்கையை மேற்கொள்ள பின்தளமாக இருந்த படைமுகாம்கள் தாக்கியழிக்கும் படைநகர்வை விடுதலைப் புலிகள் மேற்கொண்டனர். இதன் அடிப்படையில் மூதூர் பிரதேசத்திலும், சேருநுவரப் பிரதேசத்திலும் தேர்ந்தெடுக்கப்பட்ட இலக்குகளை தாக்கியழித்த விடுதலைப் புலிகள் தமது மட்டுப்படுத்தப்பட்ட படைநகர்வை நிறைவு செய்துகொண்டு புரிந்துணர்வு உடன்படிக்கையின் அடிப்படையிலான வரையறுக்கப்பட்ட பழைய நிலைகளுக்கு நேற்றிரவு திரும்பியுள்ளனர். தற்பொழுது ஏற்பட்டு மனிதாபிமான அடிப்படையிலும் தேர்ந்தெடுக்கப்பட்ட இலக்குகள் தாக்கியழிக்கப் பட்டதையடுத்தும் விடுதலைப் புலிகளின் தாக்குதல்கள் முற்றுமுழுதாக நிறுத்தி பழைய நிலைகளுக்குத் திரும்பியுள்ளனர். இப்படை நடவடிக்கையில் சிறீலங்கா அரச படையினர் தரப்பில் 100 மேற்பட்ட படையினர் கொல்லப்பட்டுள்ளனர். விடுதலைப் புலிகள் தரப்பில் 30 போராளிகள் வீரச்சாவடைந்துள்ளதாக விடுதலைப் புலிகள் வட்டாரங்கள் தகவல் வெளியிட்டுள்ளன. விடுதலைப் புலிகள் பழை நிலைகளுக்குச் சென்றபின்னர் அவ்விடத்திற்கு சென்ற சிறீலங்காப் படையினர் உயிரிழந்திருந்த படையினரின் சடலங்களை அடக்கும் செய்யும் நடவடிக்கையில் ஈடுபட்டுள்ளதாக விடுதலைப் புலிகளின் திருமலை மாவட்ட அரசியற்துறைப் பேராளி புரட்சி எம்மிடம் தெரிவித்துள்ளார். நன்றி>புதினம்

மூதூர் எறிகணை வீச்சு: மகிந்தவுடன் மோதிய ஹக்கீம்.

மூதூரில் மக்கள் இடம்பெயர்ந்திருக்கும் இடங்களில் சிறிலங்கா இராணுவத்தினர் எறிகணை வீச்சுத் தாக்குதல் நடத்துகின்றமை தொடர்பாக சிறிலங்கா அரச தலைவர் மகிந்தவுக்கும் முஸ்லிம் காங்கிரஸ் தலைவர் ரவூப் ஹக்கீமுக்கும் இடையில் அனைத்துக் கட்சி மாநாட்டில் வாய்த்தர்க்கம் ஏற்பட்டுள்ளது. சிறிலங்கா அரச தலைவர் செயலகத்தில் நேற்று வெள்ளிக்கிழமை இரவு நடந்த மாநாட்டில் ஐக்கிய தேசியக் கட்சியைத் தவிர நாடாளுமன்றத்தில் அங்கம் வகிக்கும் சகல அரசியல் கட்சிகளும் கலந்து கொண்டன. கட்சிகளின் ஒவ்வொரு பிரதிநிதிகளும் மாநாட்டில் மூதூர் நிலைமை தொடர்பாக கருத்து வெளியிட்டனர். இங்கு கருத்து தெரிவித்திருந்த நாடாளுமன்ற உறுப்பினரான ரவூப் ஹக்கீம், அரசாங்கம் மூதூர் மக்கள் விடயத்தில் மனிதாபிமானத்துடன் செயற்படவில்லை. நிவாரணம் வழங்குவதற்காக விடுதலைப் புலிகளின் கிளிநொச்சி தலைமையகம் அனுமதியளித்துள்ளது. ஆனால் இராணுவம் தடுத்துள்ளது எனக் கூறினார். அதற்குப் பதிலளித்த மகிந்த, இராணுவத்தினர் மக்கள் மீது எறிகணை வீச்சு தாக்குதல் எதனையும் நடத்தவில்லை. நிவராணம் வழங்குவதற்காக அரசாங்கம் ஏற்பாடு செய்துள்ளது. விடுதலைப் புலிகள் அனுமதி வழங்க வேண்டிய அவசியம் இல்லை. சகல பகுதிகளுக்கும் அரசாங்கமே பொறுப்பு. விடுதலைப் புலிகளின் கட்டுப்பாட்டுப் பகுதி என ஒன்று இல்லை என்று குறிப்பிட்டார். மீண்டும் கருத்துக் கூறிய நாடாளுமன்ற உறுப்பினரான ரவூப் ஹக்கீம், இராணுவத்தினரே எறிகணை வீச்சுத் தாக்குதலை நடத்துவதாக மக்கள் தெரிவிக்கின்றனர். நேரடியாகப் பாதிக்கப்படுகின்ற மக்கள் சொல்வதைத்தான் நான் கூறுகின்றேன் என்றார். மீண்டும் பதிலளித்த மகிந்த, களத்தில் போராடுகின்ற இராணுவத்தினர் சொல்வதைத்தான் நானும் உங்களுக்கு சொல்கின்றேன் என்று கூறி இராணுவம் ஒருபோதும் மக்களைத் தாக்காது என எடுத்துக் கூறியுள்ளார். அத்துடன் மூதூர் தற்போது இராணுவத்தின் கட்டுப்பாட்டில் வந்து கொண்டிருப்பதாகவும் தெரிவித்தார். மனோ கணேசன் கருத்து அதனையடுத்து கருத்து வெளியிட்ட மேலக மக்கள் முன்னணியின் தலைவரும் கொழும்பு மாவட்ட நாடாளுமன்ற உறுப்பினருமான மனோ கணேசன், வடக்கு-கிழக்கு ஆளுநராக முன்னாள் இராணுவ அதிகாரியொருவர் நியமிக்கப்பட்டுள்ளார். இந்த நிலையில் உங்களினால் எவ்வாறு நிர்வாகத்தை அங்கு நடத்த முடியும் எனக் கேள்வி எழுப்பியதுடன் விடுதலைப் புலிகளின் கட்டுப்பாட்டுப் பிரதேசங்களுக்கு பொருளாதரத் தடை விதிக்கப்பட்டுள்ளதாகவும் சுட்டிக்காட்டினார். அதற்குப் பதிலளித்த மகிந்த, இராணுவ அதிகாரிகள் மக்களுடன் அன்பாக பழகக் கூடியவர்கள். ஆகவே நிர்வாகம் செய்வதற்கு பிரச்சினை இருக்காது என்பதுடன் விடுதலைப் புலிகளின் கட்டுப்பாட்டுப் பகுதி என ஒன்று இல்லை எனவும் கூறினார். பெ.இராதாகிருஸ்ணன் மாவிலாறு நடவடிக்கை தொடர்பில் விடுதலைப் புலிகளின் நடவடிக்கையினை கண்டித்து தீர்மானம் நிறைவேற்ற வேண்டும் என்று மாநாட்டில் கலந்துகொண்ட ஜே.வி.பி. மற்றும் தேசிய காங்கிரஸ் ஆகிய கட்சிகள் வலியுறுத்தியுள்ளன. இதற்கு மலையக மக்கள் முன்னணியின் நாடாளுமன்ற உறுப்பினர் பெ.இராதாகிருஸ்ணன் கடும் எதிர்ப்பு தெரிவித்ததுடன் அத்தகைய தீர்மானம் கொண்டு வரக்கூடாது என சுட்டிக்காட்டினார். சரியான நிலைமை தெரியாது அவசரப்பட்டு இத்தகைய தீர்மானத்தை நிறைவேற்றக்கூடாது. இதற்கு நாம் உடன்பட மாட்டோம் என்றும் தெரிவித்துள்ளார். அமைச்சர் அதாவுல்லா தலைமையிலான தேசிய காங்கிரஸ், நுஆ ஆகிய கட்சிகள் அந்த வேண்டுகோளை ஆதரித்தன. ஆனாலும் அந்த வேண்டுகோள் பின்னர் நிராகரிக்கப்பட்டது. இதேவேளை மாநாட்டில் கலந்து கொண்ட ரவூப் ஹக்கீம் தனது கருத்தை கூறி மகிந்தவுடன் சர்ச்சைப்பட்ட பின்னர் மாநாட்டிலிருந்து வெளியேறிவிட்டார். அதேவேளை மாநாட்டில் கலந்து கொண்ட அமைச்சர் மகிந்த சமரசிங்க விடுதலைப் புலிகள் தமது கட்டுப்பாட்டுப் பகுதியான சம்பூரிலிருந்து எறிகணை வீச்சுத் தாக்குதல் நடத்துவதனாலேயே மூதூர் பகுதியில் பெருமளவு முஸ்லிம்கள் கொல்லப்பட்டும் காயமடைய வேண்டிய நிலையும் ஏற்பட்டதாகவும் முஸ்லிம்களை விடுதலைப் புலிகளே வெளியேற்றுவதாகவும் அங்கிருந்த பிரதிநிதிகளுக்கு விளக்கிக்கூறினார். ஆதாரம்: வீரகேசரி

தாக்குதல் தொடுக்கும் காலம் வந்துள்ளது: மகிந்த

பேச்சுக்களை நிறுத்தி, செயலில் இறங்கும் காலம் வந்துவிட்டது என்று சிறிலங்கா அரச தலைவர் மகிந்த ராஜபக்ச தெரிவித்துள்ளார். மகிந்தவின் உத்தியோகபூர்வ காரியாலயத்தில் நடந்த வைபவத்தில் உரையாற்றிய போதே அவர் இதனை கூறியுள்ளார். இது தொடர்பாக அவர் மேலும் கூறியதாவது: கடந்த காலங்களில் நாம் நிறையப் பேச்சுக்களைக் கேட்டுக் கொண்டிருந்தோம். இப்போது நாம் செயலில் இறங்கி, எமது இமாலய சக்திகளை வெளிக்காட்டுவதற்கும், நாட்டை கட்டியெழுப்புவதற்கும் காலம் வந்துள்ளது. நாட்டில் மறுமலர்ச்சிக்கும் எழுச்சிக்கும், நாட்டு மக்கள் நேரடியாக பங்களிப்பது அவர்களது கடமை. புதிதாக தங்கள் விசேட பட்டப்படிப்பை முடித்துக்கொண்டு, கல்வி நிலைய நிர்வாகப் பணியாளர் பயிற்சிக்கான நிறைவுப் பட்டத்தைப் பெற்றுக்கொள்ளும் பொதுச்சேவை ஊழியர்களுக்கு மகிந்த சான்றிதழ்களை வழங்கினார். நன்றி>புதினம்.

இலங்கை காவலர்கள் திருப்பி அனுப்பப்பட்டனர் : கருணாநிதி!

கோவையில் உள்ள மத்திய கூடுதல் காவற்படை பயிற்சி மையத்தில் பயிற்சி பெற்றுக் கொண்டிருந்த சிறிலங்க காவல்துறை அதிகாரிகள் அனைவரும் இலங்கைக்கு திருப்பி அனுப்பி வைக்கப்பட்டுவிட்டதாக முதலமைச்சர் கருணாநிதி கூறினார்! தமிழக சட்டப் பேரவையில் இன்று உயர்கல்வி மானியத்தின் மீது விவாதம் நடந்து கொண்டிருந்தபோது, அவசர அறிவிப்பு ஒன்றை வெளியிடப் போவதாக கூறிய கருணாநிதி இத்தகவலை வெளியிட்டார். கோவையில் உள்ள மத்திய கூடுதல் காவற்படை பயிற்சி மையத்தில் சிறிலங்க காவல் அதிகாரிகள் 44 பேருக்கு பயிற்சி அளிக்கப்பட்டு வருவது தமிழக மக்களிடையே அதிருப்தியை ஏற்படுத்தியுள்ளது என்று சட்டப் பேரவை உறுப்பினர்கள் கூறியதை மத்திய உள்துறை செயலருக்கு தமிழக அரசின் தலைமைச் செயலர் கடிதம் வாயிலாக தெரிவித்திருந்ததாகவும், அதற்கு மத்திய அரசின் உள்துறை செயலர் அனுப்பிய பதில் கடிதம் இன்று வந்ததாகவும், சிறிலங்க காவல் அதிகாரிகள் அனைவரும் அவர்கள் நாட்டிற்கு திருப்பி அனுப்பி வைக்கப்பட்டுவிட்டதாக அக்கடிதத்தில் தெரிவிக்கப்பட்டுள்ளதாகவும் கருணாநிதி கூறினார். முதலமைச்சர் கருணாநிதி பேரவைக்கு இத்தகவலை தெரிவித்தவுடன், அவருக்கு விடுதலைச் சிறுத்தைகள், மறுமலர்ச்சி தி.மு.க., பாட்டாளி மக்கள் கட்சி, இந்திய கம்யூனிஸ்ட் கட்சி உறுப்பினர்கள் நன்றி தெரிவித்தனர். முன்னதாக, இப்பிரச்சனை குறித்த விவாதத்தில் பங்கேற்றுப் பேசிய விடுதலைச் சிறுத்தைகள் உறுப்பினர் செல்வம், தமிழர்களின் உணர்விற்கு எதிராக சிறிலங்க காவலர்களுக்கு தமிழ்நாட்டில் பயிற்சி அளிக்கப்படுவதை நிறுத்த வேண்டும் என்றும், அவர்களை திருப்பி அனுப்பி வைக்க வேண்டும் என்றும் கேட்டுக் கொண்டார். இப்பிரச்சனையில் மத்திய அரசை கண்டித்து வெளிநடப்பு செய்வதாகக் கூ விடுதலைச் சிறுத்தைகளும், மறுமலர்ச்சி தி.மு.க. உறுப்பினர்கள் வெளியேறினர். தமிழர்களின் உணர்வுகளை இப்பிரச்சனை எந்த அளவிற்கு பாதித்துள்ளது என்பதனை மத்திய அரசு புரிந்துகொண்டு நடந்துகொள்ள வேண்டும் என்று கருணாநிதி கூறினார். நன்றி>வெப்புலகம்.

மூதூரில் முக்கிய முகாமை விட்டு படையினர் தப்பினர்.

விடுதலைப் புலிகளின் தொடர் தாக்குதலால் மூதூரின் கிழக்குப் பிரதேசம் மற்றும் இதர விடுதலைப் புலிகளின் கட்டுப்பாட்டுப் பகுதிகள் மீதான பீரங்கித் தாக்குதலுக்கு முக்கிய காரணமாக முகாமை கைவிட்டு படையினர் தப்பியோடியுள்ளதாக அப்பகுதி மக்கள் தெரிவிக்கின்றனர். தொடர்ந்து நான்காவது நாட்களாக நடந்து வரும் மோதலில் நேற்று வியாழக்கிழமை இரவு நடத்தப்பட்ட எறிகணைத் தாக்குதல் காரணமாகவே கட்டைப்பறிச்சான் முகாமை முற்றாகக் கைவிட்டுப் படையினர் சென்றுள்ளனர் என்று தெரிவிக்கப்படுகின்றது. ஜீ.பி.எஸ் முகாம் என்று சிறப்பாக அழைக்கப்படும் இந்த முகாமிலிருந்தே செய்மதி வழிகாட்டலுடனான தூரம் கணிக்கும் கருவியின் உதவியுடன் எறிகணை வீச்சுக்கள் நடத்தப்பட்டு வந்தன. கடந்த மூன்று நாட்களில் இதர முகாம்கள் விடுதலைப் புலிகள் வசமானதையடுத்தும், மூதூர் இறங்குதுறையைக் கைப்பற்ற எடுத்த முயற்சி தோல்வியடைந்ததைத் தொடர்ந்தும் நேற்றைய இரவுத் தாக்குதலுக்கு முகம் கொடுக்க முடியாமலே இராணுவத்தினர் தப்பிச் சென்றுள்ளனர் என்று அப்பகுதி மக்கள் மேலும் தெரிவிக்கின்றனர். மூதூரில் கடந்த சில நாட்களாக தமது கட்டுப்பாட்டுக்கு கீழ் கொண்டு வந்த பகுதிகளிலிருந்து விடுதலைப் புலிகள் சிறிலங்கா படையினருக்கு எதிரான தாக்குதல்களை தொடர்ந்து நடத்திய வண்ணம் உள்ளனர். நன்றி>புதினம்.

30 ஆயிரம் மக்களும் வெளியேறப்போவதாக எச்சரித்துள்ளனர்.

மூதூரில் இராணுவத்தினர் மேற்கொண்ட தாக்குதலினாலேயே பொது மக்கள் பலர் பலியாகி பலர் படுகாயமடைந்துள்ளதாக முஸ்லீம் பிரதிநிதிகள் குற்றஞ்சாட்டியுள்ளனர். இந்த விவகாரம் தொடர்பாக மூதூர் உலமாக்கள் சபைப் பிரதிநிதிகளும், பொது மக்களும் ஸ்ரீலங்கா முஸ்லீம் காங்கிரசுக்கு முறைப்பாடு தெரிவித்துள்ளனர். கல்லாறு இராணுவ முகாமிலிருந்து மேற்கொள்ளப்பட்ட எறிகணைத் தாக்குதலினாலேயே முஸ்லீம் பொது மக்கள் கொல்லப்பட்டதாக தெரிவித்துள்ளதையடுத்து இன்று இரவு அவசரமாக கூடிய ஸ்ரீலங்கா முஸ்லீம் காங்கிரஸ் மத்திய குழு, இது குறித்து ஆராய்ந்துள்ளது.இதனையடுத்து எடுக்கப்பட்ட முடிவில்,ஸ்ரீ லங்கா இராணுவத்தினர் இன்று இரவுக்குள் தமது எறிகணைத் தாக்குதல்களை நிறுத்தாவிட்டால் மூதூரில் உள்ள 30 ஆயிரம் பொது மக்களும் நாளை காலை அங்கிருந்து வெளியேறி கந்தாளாயில் தஞ்சமடையப் போவதாக முடிவெடுக்கப்பட்டுள்ளது. இந்த முடிவு தொடர்பாக ஸ்ரீ லங்கா முஸ்லீம் காங்கிரஸ் பிரதிநிதிகள் ஜனாதிபதியின் ஆலோசகர் பசீல் ராஜபக்சவைச் சந்தித்து கலந்துரையாடியுள்ளனர்.எனினும் இது குறித்த முக்கியமான முடிவு நாளை காலை வெளியாகாலாம் என எதிர்பார்க்கப்படுகிறது. இணைப்பு : newstamilnet.com Thursday, 03 Aug 2006 USA